Kodi i lumturisë në punë: Përmbushja individuale, imperativ i zhvillimit institucional

‘Kodi i lumturisë në punë” synon të dëshifrojë klimën optimale të kënaqësisë në vendin e punës, në institucionet publike dhe sipërmarrjet private. Hulumtimi merr shkas nga skanimi i përmbushjes profesionale dhe kënaqësisë së punonjësve në një institucion të arsimit të lartë shqiptar dhe plotëson profilin e dëshirueshëm të lumturisë me vëzhgimet empirike të autorit dhe punimet më të mira shkencore të evidentuara në vendet e zhvilluara të Perëndimit. Libri është i dobishëm për çdo punonjës sepse nxit reflektimin për të harmonizuar përditshmërinë e punës me dhuntinë, profesionin dhe qëllimin jetës, për të gjetur institucionin që afron përputhshmëri vlerash, rritje profesionale dhe mirëqënie, sikurse ndihmon drejtuesit për një transformim pozitiv drejt ndjeshmërisë, respektit dhe dhënies së mundësive për të gjithë pa diskriminim në ekipet ku ushtrojnë lidershipin e tyre.